Arifureta: From Commonplace to World's Strongest

වයස අවුරුදු 17ක් වෙන ඔටාකු කොල්ලෙක් වන Hajime Nagumo ගේ සාමාන්‍ය ජීවිතය එකපාරටම උඩු යටිකුරු වෙනවා. ඒ Hajimeයි එයාගේ පන්තියේ අනිත් ළමයි ටිකයි fantasy ලෝකයකට කැඳවලා, මනුෂ්‍ය වර්ගයා බේරගන්න වගකීමක් පැවරුණු නිසා. අනිත් ළමයින්ට සටන් කරන්න පුළුවන් බලවත් හැකියාවන් ලැබුණත්, Hajimeට ලැබෙන්නේ සටන් කරන්න කිසිම ප්‍රයෝජනයක් නැති දුර්වල Transmutation හැකියාවක් විතරයි. ඒ නිසා පන්තියේ අනිත් අයත් Hajimeව හෑල්ලුවට ලක් කරනවා. දවසක් Great Orcus Labyrinth එකේ ගවේෂණයක යෙදී ඉන්න අතරේ, පන්තියේම කෙනෙක් Hajimeව පාවා දෙනවා. ඒකෙන් Hajime ගැඹුරු අගාධයක පතුලටම වැටෙනවා. කොහොමහරි මරණයෙන් බේරුණත්, දැන් Hajimeට මුහුණ දෙන්න වෙන්නේ බිහිසුණු රාක්ෂයන්ගෙන් පිරුණු අඳුරු ලෝකයකට. එක පිට එක එන කරදරත් අවාසනාවනුත් නිසා මේ ගමන ටිකෙන් ටික බිහිසුණු නපුරු සිහිනයක් වගේ වෙනවා. ඒත් ගෙදර ආපහු යන්නත්, කොහොමහරි ජීවත් වෙන්නත් ඕන නිසා Hajime තමන්ගේ ජීවිතය වෙනුවෙන් සටන් කරන්න තීරණය කරනවා. ඒ අතරේ Labyrinth එක ඇතුළේ සිරකරලා ඉන්න Yue කියන වැම්පයර් කෙල්ලව Hajimeට හමුවෙනවා. Yueත් මේ Labyrinth එකෙන් පැනලා යන්න මාර්ගයක් හොයමින් ඉන්න කෙනෙක්. Hajime ගැන උනන්දුවක් ඇති වෙන Yue, තවත් කිහිපදෙනෙක් එක්ක එකතු වෙලා Hajimeගේ ගමනට එකතු වෙනවා. ගෙදර ආපහු යන්න මාර්ගයක් හොයාගෙන යන මේ ගමන අතරේ, හැමෝම දුර්වලයෙක් කියලා හෑල්ලුවට ලක් කළ Hajime ටිකෙන් ටික මේ ලෝකයේ බලවත්ම කෙනෙක් බවට පත්වෙනවා.