Banana Fish

ඈෂ් ලින්ක්ස් කියන නමින් ප්‍රසිද්ධ ඇස්ලාන් ජේඩ් කැලන්රීස්, නිව්යෝර්ක් නගරයේ පාරවල්වල ජීවත් වුණු අනාථ කොල්ලෙක්. පස්සෙ එයාව මාෆියාවෙ කුප්‍රකට ලොක්කා ඩීනෝ ගොල්සීන් තමන් ළඟට අරගෙන හදාගන්නවා. දැන් අවුරුදු 17ක් වයස ඈෂ් තමන්ගෙම කල්ලියක ලොක්කා වෙලා ඉන්න අතරෙ, “බනානා ෆිෂ්” කියන අභිරහස් වචන දෙක ගැන හොයන්න පටන් ගන්නවා. මේ වචන දෙකම එයාගෙ අයියා ග්‍රිෆින්, ඉරාක යුද්ධයෙන් ආපහු ආවට පස්සෙ දිගින් දිගටම කියනවා. ඒත් ඈෂ් හංගිලා ඉන්න යටිබිම් බාර් එකට ඩීනෝගෙ මිනිස්සු එන නිසා එයාගෙ විමර්ශනයට බාධා වෙනවා. ඒ බාර් එකේදී ඈෂ්ගෙ යාළුවෙක් වුණු ස්කිප්, ඇමරිකාවේ වීදි කල්ලි ගැන වාර්තා කරන්න ආපු ජපන් ඡායාරූප ශිල්පී ෂුනිචි ඉබේ සහ එයාගෙ සහායක ඒජි ඔකුමුරා එක්ක ඈෂ්ව හඳුන්වලා දෙනවා. ඒත් එයාලගෙ කතාබහ අතරමඟදී ඈෂ්ගෙ සගයෙක් වුණු ෂෝටර් වොං කතා කරලා ඩීනෝ ගැන අනතුරු අඟවනවා. ටික වෙලාවකින් ඩීනෝගෙ මිනිස්සු බාර් එකට කඩා පැනලා, ඇති වෙන කලබලය අස්සෙ ස්කිප්වයි ඒජිවයි පැහැරගෙන යනවා. දැන් එයාලව බේරගෙන, බනානා ෆිෂ් ගැන හොයන වැඩෙත් දිගටම කරගෙන යන්න ඈෂ්ට සිද්ධ වෙනවා. ඒත් මාෆියාවත් එක්ක එයාට තියෙන අතීත සම්බන්ධකම් නිසා මේ වැඩේ සාර්ථක කරගන්න බැරි වෙයිද?