Date A Live

වසර 30කට පෙර, "Spatial Quake" නමින් හැඳින්වූ අභිරහස් සංසිද්ධියක් හේතුවෙන් යුරේසියා මහද්වීපය විශාල විනාශයකට ලක් විය. අභ්‍යවකාශයේ ඇති වූ නොදන්නා කම්පන හේතුවෙන් සිදුවූ මෙම ව්‍යසනයෙන් මිනිසුන් මිලියන 150කට වැඩි පිරිසක් ජීවිතක්ෂයට පත් විය. එතැන් පටන්, ලෝකය පුරා විවිධ අවස්ථාවලදී මෙම Spatial Quake සිදුවීම් ඇතිවෙමින් පවතින අතර, ඒවා තවමත් මනුෂ්‍ය ජීවිතයට විශාල තර්ජනයක් වී ඇත. Shidou Itsuka කියන්නේ තම බාල සහෝදරිය වන Kotori සමඟ සාමාන්‍ය ජීවිතයක් ගත කරන උසස් පාසල් ශිෂ්‍යයෙකි. දිනක් Tengu City නගරයට විශාල Spatial Quake එකක් පැමිණීමට නියමිත බව දැනගත් ඔහු, තම සහෝදරිය බේරා ගැනීමට ඉක්මනින් එහි යයි. නමුත් එම අවස්ථාවේදී සිදුවන පිපිරීමකට හසුවන Shidou, එහි මූලස්ථානයේ සිටින අභිරහස් ගැහැණු ළමයෙකු හමුවෙයි. ඇය සාමාන්‍ය මනුෂ්‍යයෙකු නොව, ඇගේ පැමිණීම නිසා Spatial Quake ඇතිවන වෙනත් ලෝකයකින් පැමිණි "Spirit" කෙනෙකු බව ඔහු දැනගනී. ඉන්පසු Shidou, එම Spirit ගැහැණු ළමයා සහ Spirits විනාශ කිරීම අරමුණු කරගත් භයානක සටන් කණ්ඩායමක් වන Anti-Spirit Team අතර ඇතිවන ගැටුමකට ඇද වැටෙයි. නමුත් Spirits විනාශ කිරීම වෙනුවට ඔවුන්ව බේරාගත යුතු බව විශ්වාස කරන තවත් සංවිධානයක්ද ඇත. ඒ "Ratatoskr" නම් කණ්ඩායමයි. පුදුමයට කරුණ නම් එය මෙහෙයවන්නේ Shidouගේම බාල සහෝදරිය වන Kotori විසිනි. Kotori විසින් Shidouව Ratatoskr වෙත එක් කරගෙන, Spirits සමඟ සටන් කරනවා වෙනුවට ඔවුන් සමඟ කටයුතු කිරීමට අලුත් ක්‍රමයක් හඳුන්වා දෙයි. ඒ ක්‍රමය වන්නේ... ඔවුන්ව තමන්ට ආදරය කරවීමයි. ❤️ දැන් ලෝකයේ අනාගතය රඳා පවතින්නේ Shidouගේ හැකියාව මතයි. ඔහුට Spirits සොයා ගොස් ඔවුන්ගේ හදවත් දිනාගනිමින්, ලෝකය බේරා ගැනීමේ අභියෝගයට මුහුණ දීමට සිදුවේ. 🌎✨