Josee, the Tiger and the Fish

මුහුදු ජීව විද්‍යාව ගැන තියෙන ආසාවත්, කිමිදීමට තියෙන කැමැත්තත් නිසා විශ්වවිද්‍යාල ශිෂ්‍යයෙක් වන සුනේයෝ සුසුකාවා විදෙස්ගත වෙලා ඉගෙනගන්න සල්ලි හොයාගන්න රස්සා කිහිපයක්ම කරනවා. ඒත් දවසක් සිද්ධ වෙන අහම්බයක් නිසා රෝද පුටුවක ඉන්න කෙල්ලෙක්ව මුණගැහෙන අතර, එයාගේ ජීවිතය නොහිතපු පැත්තකට හැරෙනවා. කුමිකෝ කියන ඇය කැමති තමන්ට "ජෝසී" කියලා කතා කරනවට. මුලින්ම ජෝසී සුනේයෝට පේන්නේ ටිකක් සැර, අනිත් අයව ගණන් නොගන්න කෙනෙක් විදිහට. ඒත් ජෝසීගේ ආච්චිගේ ඉල්ලීම මත, ජෝසීව බලාගන්න ගෙවන රස්සාවක් කරන්න සුනේයෝ කැමති වෙනවා. ජෝසීගේ අණදෙන විදිහ එයාට කරදරයක් වුණත්, විදෙස්ගත වෙලා ඉගෙනගන්න හීනය වෙනුවෙන් තවත් සල්ලි ඉතුරු කරගන්න මේක හොඳ අවස්ථාවක් කියලා සුනේයෝ හිතනවා. කාලයක් ජෝසීගේ හැසිරීම් ඉවසගෙන ඉඳලා අන්තිමේදී සුනේයෝ මේ රස්සාවෙන් අයින් වෙන්න තීරණය කරනවා. ඒත් එතකොට තමයි එයාට දැනගන්න ලැබෙන්නේ, ජෝසීටත් ලොකු හීනයක් තියෙනවා කියලා. ඒ තමයි තමන්ගේ තත්වයේ සීමාවන්ගෙන් මිදිලා, කවදාවත් දැකලා නැති පිටත ලෝකය තමන්ගේම ඇස්වලින් දකින්න යන එක. ඒක දැනගත්තට පස්සේ සුනේයෝ තමන්ගේ තීරණය වෙනස් කරලා, ජෝසී එක්ක එකතු වෙලා ලෝකයේ සුන්දරත්වය හොයාගෙන යන්න තීරණය කරනවා. එකට ගත කරන කාලයත් එක්ක, තමන් දෙන්නව එකිනෙකාට ළං කරන දේවල්ම තමන්ගේ හීන සැබෑ කරගන්න වැදගත්ම ශක්තිය වෙන්න පුළුවන් කියලා දෙන්නාටම තේරෙන්න පටන් ගන්නවා.