Komi san wa Comyushou desu

තෝහිතෝ තදානෝ කියන්නේ හරිම සාමාන්‍ය කොල්ලෙක්. එයා උසස් පාසලේ පළමු වෙනි දවසට යන්නේ පැහැදිලි ප්ලෑන් එකක් ඔළුවේ තියාගෙන. ඒ තමයි කිසිම ප්‍රශ්නයකට පැටලෙන්නේ නැතුව, අනිත් අය අතරේ කැපී පෙනෙන්නේ නැතුව සාමාන්‍ය විදිහට ඉන්න එක. හැබැයි ඉස්කෝලේ ඉන්න සුන්දරම කෙල්ල වෙන ෂෝකෝ කොමි ළඟින්ම එයාට වාඩි වෙන්න වුණ නිසා එයාගේ ඒ ප්ලෑන් එක පළමු වෙනි දවසෙන්ම වතුරේ යනවා. දැන් පන්තියේ අනිත් කොල්ලෝ තදානෝව දකින්නේ ඒ ලස්සන කෙල්ල ළඟ වාඩි වෙන්න තියෙන ඉඩකඩ වෙනුවෙන් පාරෙන් අයින් කරලා දාන්න ඕන හතුරෙක් විදිහටයි. දිගු, අඳුරු කොණ්ඩයක් තියෙන, මාරම සුන්දර වගේම ශාන්ත පෙනුමක් තියෙන කොමි, එයාගේ තියෙන අභිරහස් බවත් එක්ක මුළු ඉස්කෝලෙම අය අතර පට්ටම ජනප්‍රියයි. හැබැයි කාටවත් නොතේරුණාට, එයාට ලොකු සමාජීය බියක් (anxiety) සහ අනිත් අය එක්ක කතාබහ කරන්න බැරි සන්නිවේදන ආබාධයක් (communication disorder) තියෙනවා. ඒ නිසා එයාට පන්තියේ ළමයි එක්ක කැමැත්තෙන් ආශ්‍රය කරන්න කොහෙත්ම පුළුවන් කමක් නැහැ. දවසක් පන්තියේ දෙන්නා විතරක් තනි වුණු වෙලාවක, සිද්ධ වෙන යම් යම් දේවල් නිසා කොමිට සිද්ධ වෙනවා කළු ලෑල්ලේ ලියලා තදානෝ එක්ක අදහස් හුවමාරු කරගන්න. කොමිට හරියට කතා කරගන්න බැරි බව තේරුම් ගන්න පළමු වෙනි කෙනා වෙන තදානෝ, එයාට උදව් කරන්න හිතාගෙන චෝක් කෑල්ල අරන් කළු ලෑල්ලේ ලියලා උත්තර දෙන්න පටන් ගන්නවා. ඔහොම කතා කරද්දී තදානෝ දැනගන්නවා කොමිගේ ලොකුම හීනය පාසල් කාලය ඇතුළත යාළුවෝ 100 දෙනෙක් හදාගන්න එක කියලා. ඉතින් ඒ හීනය හැබෑ කරගන්න උදව් කරන්න තදානෝ තීරණය කරන අතරම, එයා කොමිගේ ජීවිතයේ පළමු වෙනි යාළුවා බවටත් පත් වෙනවා.