More Than a Married Couple, But Not Lovers

තුන්වැනි වසරේ උසස් පෙළ ශිෂ්‍යයෙක් වන ජිරෝ යකුයින් තමන්ගේ පොඩි කාලේ ඉඳන්ම යාළුවෙලා ඉන්න පන්තියේ යාළුවා ශියෝරි සකුරාසකාට ආදරේ කරනවා. ඒ නිසා පාසලේ විවාහ පුහුණු වැඩසටහනට එයත් එක්ක යුගල වෙන්න ලැබෙයි කියලා ජිරෝ බලාපොරොත්තු වෙනවා. මේකෙදි පාසලෙන් පිරිමි ළමයෙකුයි ගැහැනු ළමයෙකුයි අහඹුවෙන් යුගල කරලා, විවාහක යුවළක් වගේ එකට ජීවත් වෙන්න දීලා, දෙන්නා කොච්චර සමීප වෙලාද කියලා නිරීක්ෂණය කරලා ලකුණු දෙනවා. ඒ අතරේ හැම වෙලේම සතුටින් ඉන්න අකාරි වටනාබේ බලාපොරොත්තු වෙන්නේ තමන් කැමති, පාසලේ ජනප්‍රිය කඩවසම් කොල්ලෙක් වන මිනමි ටෙන්ජින් එක්ක යුගල වෙන්න. හැබැයි ජිරෝටයි අකාරිටයි ලොකුම අවුල වෙන්නේ, දෙන්නා එකිනෙකා එක්කම යුගල වෙලා කියලා දැනගත්තමයි. ඒ මදිවට ශියෝරියි මිනමියිත් එකට යුගල වෙලා! තමන් කැමති අය එක්ක එකතු වෙන්න ඕන නිසා, ජිරෝයි අකාරියි හැකි තරම් ලකුණු ගන්න උපරිම උත්සාහ කරනවා. මොකද ඉහළම ලකුණු ගන්න යුගල් 10කට, දෙපාර්ශ්වයම කැමති නම් තමන්ගේ සහකරු මාරු කරගන්න අවස්ථාව ලැබෙනවා.