My Hero Academia

ලෝකයේ මිනිසුන්ගෙන් 80%කටම "Quirk" කියන විශේෂ අධි බලයන් ලැබෙන්න පටන් අරගෙන තිබෙනවා. සමහරුන්ට මූලද්‍රව්‍ය පාලනය කරන්නත්, තවත් සමහරුන්ට තමන්ගේ ශරීරයේ හැඩය වෙනස් කරන්නත් පුළුවන්. ඒත් ඉසුකු මිදෝරියා කියන පුංචි කොල්ලාට නම් කිසිම බලයක් නැහැ. ඒත් එහෙමයි කියලා ඔහුගේ හීනය වෙනස් වෙන්නෙ නැහැ. පුංචි කාලේ ඉඳන්ම ඔහුගේ ලොකුම හීනය වුණේ Hero කෙනෙක් වෙන එකයි. Heroලා ගැන හැමදේම සටහන් කරගෙන, ඔවුන්ව ආදර්ශයට ගන්න ඉසුකුගේ ජීවිතේ වෙනස් වෙන්නේ ලෝකයේ අංක එකේ Hero වන All Mightව මුණගැහුණු දවසේ. All Mightගේ විශේෂ බලය උරුම කරගැනීමෙන් පස්සේ, මාස ගණනක දැඩි පුහුණුවකින් පසු ඉසුකු, Heroලා බිහිකරන ප්‍රසිද්ධ UA High පාසලට ඇතුළත් වෙනවා. එහිදී අසාමාන්‍ය හැකියාවන් තියෙන තමන්ගේ පන්තියේ යාළුවෝ එක්ක ඉගෙන ගන්න අතර, භයානක දුෂ්ට සංවිධානයක තර්ජනයටත් මුහුණ දෙන්න සිද්ධ වෙනවා. ඉසුකුගේ Hero කෙනෙක් වෙන්න යන ගමන ආරම්භ වෙන්නේ මෙතැනින්!