Plastic Memories

විශ්වවිද්‍යාලයට ඇතුළත් වීමේ විභාගයෙන් අසමත් වූ 18 හැවිරිදි සුකාසා මිසුගාකි, අවසානයේ සියොන් කෘත්‍රිම බුද්ධි සමාගමේ රැකියාවක් ලබාගන්නවා. එම සමාගම සාමාන්‍ය මිනිසුන්ගෙන් වෙන්කර හඳුනාගැනීමටත් අපහසු තරම් දියුණු ගිෆ්ටියා නම් ඇන්ඩ්‍රොයිඩ් නිර්මාණය කරනවා. නමුත් ඔවුන්ගේ ජීවිත කාලය වසර 9යි මාස 4ක් පමණකට සීමා වෙනවා. සුකාසා සේවයට එක්වෙන්නේ කාලය අවසන් වූ ගිෆ්ටියා ඔවුන්ගේ මතකය අහිමි වී අනතුරුදායක වීමට පෙර නැවත භාරගන්නා ටර්මිනල් සර්විස් වන් අංශයටයි. එහිදී ඔහුගේ සහකාරිය ලෙස ලැබෙන්නේ ඉස්ලා නම් සුන්දර ගිෆ්ටියා කෙනෙක්. සන්සුන් හා කුඩා පෙනුමක් තිබුණත්, ඇය එම අංශයේ දක්ෂම සාමාජිකාවන්ගෙන් කෙනෙක්. නමුත් කාලය කිසිවෙකු වෙනුවෙන් නතර වෙන්නේ නැහැ. ඉස්ලාගේ කාලය අවසන් වීමට පෙර, සුකාසාට තම හැඟීම්වලට මුහුණ දීමට සිදුවෙනවා. මොන තරම් රැකගන්න කැමති වුණත්, මේ ලෝකයේ කිසිම දෙයක් සදාකාලික නැහැ