Shijou Saikyou no Daimaou, Murabito A ni Tensei suru

මනුස්සයෙක්ට ළඟා වෙන්න පුළුවන් උපරිම බලය ලබාගත්ත වර්වාටෝස් කොච්චර බලවත්ද කියනවා නම්, අනිත් මිනිස්සු එයාට බය වගේම ගරු කරන්නත් පටන් අරගෙන, එයාට “යක්ෂ රජා” කියලා නමකුත් දෙනවා. ඒත් මේ නිසා එයාට අනිත් මිනිස්සුන්ගෙන් ඈත් වෙලා තනිකමෙන් ඉන්න සිද්ධ වෙනවා. අන්තිමේදී එයාට ඕන වෙන්නෙ තමන්ට සමාන බලයක් තියෙන, ඇත්තටම යාළුවෙක් කියලා කියන්න පුළුවන් කෙනෙක්ව හොයාගන්නයි. ඊළඟ ජීවිතේදීවත් තමන්ගෙ ඉරණම වෙනස් වෙයි කියලා හිතාගෙන, වර්වාටෝස් අවුරුදු තුන්දහසකට පස්සෙ ආර්ඩ් මීටියෝර් විදිහට නැවත ඉපදෙන්න තීරණය කරනවා. මෙදා පාර එයා ඉපදෙන්නෙ ගම්බද නගරයක ඉන්න සාමාන්‍ය යුවළකගෙ පුතෙක් විදිහටයි. ඒත් තමන්ගෙ බලය අඩු කරගෙන ඉපදුණත්, මේ යුගයේ අනිත් හැමෝටම වඩා තමන් තාමත් බලවත් කියලා එයාට තේරෙනවා. ඒ විතරක් නෙවෙයි, මිනිස්සු එක්ක කතාබහ කරලා හොඳින් ආශ්‍රය කරන්න එයාට තියෙන නොහැකියාව නිසා යාළුවෝ හදාගන්න හීනෙත් ඉටු කරගන්න බැරි වෙනවා. හැබැයි ඊටත් වඩා දරුණු දේ තමයි, කලින් තමන් දරපු තනතුර හදිසියේම අතහැරලා ආපු එකේ ප්‍රතිවිපාක, හිතාගන්නවත් බැරි විදිහට දැන් එයාට විඳින්න සිද්ධ වෙන්න පටන් ගන්න එක!