Summer Ghost

ගිනිකෙළිවලින් මැරුණු අයගේ ආත්ම සනසන්න පුළුවන් කියලා කියනවා. තොමෝයා සුගිසාකි, අඕයි හරුකාවා සහ රියෝ කොබයාෂිට "සමර් ගෝස්ට්"ව හම්බවෙන්න ලැබෙන්නෙත් මේ ගිනිකෙළි හින්දාමයි. සියදිවි නසාගත්ත තරුණ ගෑනු ළමයෙක්ගේ ආත්මයක් කියලා විශ්වාස කෙරෙන මේ සමර් ගෝස්ට් මතු වෙන්නේ එක නිශ්චිත තැනකදි විතරයි, ඒ වගේම එයාව දකින්න පුළුවන් වෙන්නෙත් මරණයට අත පොවන මානෙ ඉන්න අයට විතරයි. තොමෝයා කියන්නේ හොඳ කැම්පස් එකකට යන්න තියෙන විභාග පීඩනය හින්දා තමන්ගේ නිර්මාණශීලී හැකියාවන් යටපත් කරගෙන ඉන්න කෙනෙක්. අඕයි කියන්නේ පන්තියේ ළමයින්ගෙන් නොනවත්වාම වද හිංසාවලට ලක්වෙන අහිංසක කෙල්ලෙක්. රියෝ කියන්නේ දරුණු ලෙඩක් හැදුණ හින්දා තමන්ගේ ආසම ක්‍රීඩාව වුණු බාස්කට්බෝල් අතෑරලා දාන්න වුණු හිටපු දක්ෂ ක්‍රීඩකයෙක්. මේ තුන්දෙනාටම පොදුවේ තියෙන එකම දේ තමයි සමර් ගෝස්ට්ව දකින්න තියෙන හැකියාව. මරණය ගැන තියෙන ඕනෑම ප්‍රශ්නයකට උත්තර දෙන්න මේ සමර් ගෝස්ට් පුළුවන් කියලයි කියන්නේ—ඒක තමයි මේ තරුණ ළමයි තුන්දෙනාටත් කොහොමහරි දැනගන්න ඕන වෙලා තියෙන්නේ. පළවෙනි හමුවීමෙන් සෑහීමකට පත් නොවෙන තොමෝයා, ආයෙත් සැරයක් සමර් ගෝස්ට්ව හොයාගෙන යන්න තීරණය කරනවා. ඒත් එයා ඒ හොල්මනත් එක්ක කාලය ගත කරන්න ගත කරන්න, ඒ පැවැත්ම පිටුපස හැංගිලා තියෙන අභිරහස් එකින් එක එළිවෙන්න පටන් ගන්නවා.