Hataraku Maou-sama!

මිනිස්සුන්ගේ හදවත්වල බිය ඇති කරමින්, ඩීමන් ලෝඩ් සාතන් තමන්ගේ දැවැන්ත ඩීමන් හමුදාවත් එක්ක එන්ටේ ඉස්ලා දේශය යටත් කරගන්න යනවා. ඒත් එයාගේ සැලසුමට වීරවරිය වන එමිලියාගෙන් බාධා එල්ල වෙන නිසා, සාතන්ට මාන අතරින් යන දොරටුවකින් පැනලා යන්න සිද්ධ වෙනවා. හැබැයි ඒ දොරටුව එයාව ගෙනියන්නේ මැජික් නැති නූතන ටෝකියෝවට! තමන්ගේ විශ්වාසවන්ත සෙන්පති ඇල්සියෙල් එක්ක මේ ලෝකෙ හිරවෙන සාතන්, ආයෙත් එන්ටේ ඉස්ලාවට ගිහින් තමන්ගේ අරමුණ සම්පූර්ණ කරනවා කියලා දිවුරනවා. හැබැයි ඉස්සෙල්ලම ආපහු යන විදිහ හොයාගන්න එපැයි! මැජික් නැති ලෝකෙ තමන්ගේ බලය නැති වෙද්දී, සාතන් සාදාඕ මාවෝ කියන මනුස්සයෙක් විදිහට වෙස්වලාගෙන, MgRonald's කියන ෆාස්ට් ෆුඩ් අවන්හලක වැඩට යනවා. ටිකෙන් ටික වැඩේට හුරු වෙන සාතන්, එන්ටේ ඉස්ලා යටත් කරගන්නවාට අමතරව, රස්සාවේ ඉහළටම ගිහින් පෘථිවියේ පාලකයා වෙන්නත් හීන දකින්න පටන් ගන්නවා! රස්සාව, ගෙදර වැඩ, කුලිය ගෙවගන්න එක වගේ සාමාන්‍ය ජීවිතේ ප්‍රශ්න එක්ක පොරබදින මේ ඩීමන් ලෝඩ්ගේ හාස්‍යජනක අලුත් ජීවිතය තමයි The Devil is a Part-Timer! කියන්නේ